كشف الفنان أحمد عبد العزيز؛ عن رأيه في تقديم مسلسل "الحشاشين" الذي يعرض خلال شهر رمضان باللغة العامية على الرغم من أن العمل تاريخي.
وقال عبد العزيز في مقابلة مع برنامج "حبر سري" المذاع على قناة "القاهرة والناس": "أي عمل وخصوصا الأعمال التاريخية بيبقي هم الفنان اللي بيقدمه سواء المؤلف أو المخرج أو الناس اللي بتشتغل فيه أنه يوصل للناس بحيث تكون لغته سلسة ومفهومة؛ في ناس كتير بتلاقي في اللغة العربية نوع من التعقيد شوية".
وأضاف: "في لغة عربية سلسة وبسيطة وجميلة وتتفهم من غير ما تتسمع لغة طه حسين ونجيب محفوظ وتوفيق الحجيم وأنا قدمت أدوار لهؤلاء؛ العمل التاريخي من مستلزماته الاعراب أو التغريب بحيث يكون غريب عني؛ احنا مش بنلبس كده احنا مبنتكلمش كده؛ عناصر التغريب في العمل التاريخي مهمة وهي دي اللي بتديله حالة العظمة اللي لازم يتميز بيها العمل التاريخي".
وتابع: "كان من الممكن ان يقدم الحشاشين بلغة عربية بسيطة ولا غضاضة أبدا ان يقدم بالعامية خاصة أن احداث منه بيتحصل في القاهرة وفي القاهرة الناس طول الوقت مبتتكلمش باللغة العربية الفصحى؛ أصل مفيش قاعدة وهو اتعمل بالعامية عشان يتفهم أكتر وخصوصا أنه موضوع معقد".
وعن حقيقة تأجيل عرض مسلسل "جريمة منتصف الليل" بسبب احتوائه على مشاهد رقص قال عبد العزيز: "رأيي الشخصي أني أمسك في المثل اللي بيقول لكل مقام مقال؛ في رمضان لا يجوز أننا نقدم مشاهد رقص أو أدوار جرئية ولكن في العمل تقريبا في مشاهد رقص أو مشاهد جريئة؛ الشخصية اللي بتلعبها رانيا يوسف شخصية راقصة تتعرض لاحداث ومشاكل لابنتها اللي بتأثر عليها".
وواصل: "احنا بنشوف الدور اللي بتقدمه رانيا يوسف في موضوع تاني خالص غير الرقص والخط اللي بتلعبه رانيا غير الخط اللي أنا بلعبه دا خط ودا خط ولكن أذكر أن كان في اهتمام شديد من مصممة الملابس والمسؤولة عن الملابس في العمل انها تظبط ملابس الرقص وهي تعبت بحيث تدور على بدلة رقص لائقة وميكونش عليها انتقادات".